Учително евнгелие, Синодална библиотека Москва № 262, XII в., 1а (Kuev 1974:188-189)
hlaholika podla a.c.


Ⰰ - Азъ словомь. симъ молю сѧ б-оу .:
Ⰱ - Б-е всеꙗ твари й зиждителю .:
Ⰲ - Видимъıимъ. й невидимъıймъ .:
Ⰳ - Г-а д-ха посъли живоущааго .:
Ⰴ - Да въдъхнеть въ срьдьце ми слово .:
Ⰵ - Ѥже боудеть на оуспѣхъ въсѣмъ .:
Ⰶ - Живоущиймъ. въ заповѣдьхъ ти .:.
Ⰷ - Ꙃѣло бо ѥсть. свѣтильникъ жизнии .:
Ⰸ - Законъ твой. и свѣтъ стьзамъ .:.
Ⰻ - Иже ищеть. ев-нгельска слова .:
Ⰺ - И просить даръı твоꙗ приꙗти .:
Ⰾ - Летить бо нынѣ. и словѣньско племѧ .:
Ⰽ - Къ крьщению. обратиша сѧ вьси .:
Ⰾ - Людиѥ твои. нарещи сѧ хотѧще .:
Ⰿ - Милости твоѥꙗ. б-е, просѧть зѣло .:
Ⱀ - Нъ мънѣ нъıнѣ. пространо слово даждь .:
Ⱁ - О-че с-не. и прѣстый д-ше .:
Ⱂ - Просѧщоуоумоу. помощи ѿ тебе .:
Ⱃ - Роуцѣ бо свой горѣ. въздѣю присно .:
Ⱄ - Силоу приꙗти. й моудрость оу тебе .:
Ⱅ - Ты бо даѥши. достойномъ силоу .:
Ⱛ - Ѵпостась же. вьсѧкоую цѣлиши .:
Ⱚ - Фараоша мѧ. зълобы избави .:
Ⱈ - Херовьскоу ми мꙑсль и оумъ даждь .:
Ⱉ - О, чьстьнаꙗ. прѣс-таꙗ троице .:
Ⱋ - Печаль мою на радость прѣложи .:
Ⱌ - Цѣломоудрьно. да начьноу пьсати .:
Ⱍ - Чюдеса твоꙗ. прѣдивьнаꙗ зѣло .:
Ⱎ - Шестькрилатъ. силоу въсприимъ .:
ⱏ - Шьствоую нынѣ. по слѣдоу оучителю .:
ⱐ - Имени ѥю. и дѣлоу послѣдоуꙗ .:
Ⱑ - Ꙗвѣ сътворю. еваньгельско слово .:
Ⱒ - Хвалоу въздаꙗ. тр-ци въ б-жьствѣ .:
Ⱖ - Юже поѥть вьсѧкъи въздрасть .:
Ⱓ - Юнъ и старъ. своимь разоумомь .:
Ⱔ - Ꙗзꙑкъ новъ. хвалоу въыдаꙗ присно .:


О-цоу с-ноу и прѣс-тоуоумоу д-хоу .:
Ѥмоуже чьсть и дрьжава и слава .:
Отъ всеꙗ твари и дꙑханиꙗ .:
Въ всѧ вѣкꙑ. и на вѣкꙑ аминъ .: